[This text contains hover-text -
Môr o Gariad
Eistedd yma'n unig 'ben fy hun
Heno 'sdim amynedd i helbul byd
Ond mae'r nos yn ffoi, fel mae'r byd yn troi
Fel y môr o gariad a roddais iti.
'Sdim byd yma heno ond adlais cariad mawr
Ac ein gwydrau gweigion ar y llawr
Ac i gwpla'r llun; yn y botel gwaddod gwin
Gwaddod y môr o gariad a roddais iti
Hwn oedd cariad glân
Hwn oedd cariad ffôl
Roeddwn i ar dân
'Nawr 'sdim ar ôl
1. Dau forwr dewr a dau frawd direidus
oedd yr hen King ac Owen Griffiths;
yn caru’r cwrw yn fwy na’r cefnfor,
yn gweld angylion ym mhob angor.
2. Un pnawn o haf a’r rhwydi’n drymion,
a’r ddalfa’n goeth o benwaig gwynion,
Mi welsant ’sgodyn tra gwahanol
yn gawr o gryndod yn eu canol
3. “Be’ ddiawl wnawn ni â’r cr’adur yma?
Rown ni o’n ôl yng nhgôl y tonnau?
“Mi awn ag o i dref Porthmadog;
mae hwn werth mwy na phum can pennog!”
4. A dyma’i godi ar eu ’sgwyddau
a chodi pabell o hen hwyliau
a bod mor hy â chodi ceiniog
am gip go sydyn o’r ’sgodyn enwog.
5. A dyna hwyl a dyna sbort
o weld y siarc yn y parc yn Port,
a phawb yn heidio o bob lle
i gael eu dychryn yn y dref.
6. “Wel dyma’r ddalfa ffeindia’ ’stalwm!
Awn am Y Fleece i wario’n ffortiwn!”
“Mi yfwn gwrw am y gorau,
a mi wnawn ni fwy o bres yn bora!”
7. Ar doriad gwawr daeth bloedd y Plismon
“Claddwch y cena ar eich union!
Erioed ni brofais y ffasiwn ddrewdod
mae Port i gyd yn drewi o bysgod!”
8. A’u pennau’n drwm ’rôl noson hegar,
mi gladdon y siarc yn ddyfn yn y ddaear;
a darfu’r hwyl a darfu’r arian
parhau wna’r hanes rhwng muriau’r dafarn.
