Pam wyt ti'n dweud "ei" yn y frawddeg 'ma:
Beth wyt ti'n trio ei ddweud?
Beth wyt ti'n trio ei ddweud?
Chwedleuwr
Dyma flog inni ymarfer ein Cymraeg. Gyda lwc, felly,
aiff pethau ddim yn angof rhwng nawr a'r flwyddyn nesa'!
Mae croeso i bawb alw heibio.
Most of this will be in Welsh (for practice!) - only Q-and-A
about the language to be in English. That said, blog about anything!
Gwell Cymraeg Crap na Saesneg Slic!!!
Look out for roll-over text: e.g., hover here!.
symbolau defnyddiol:
â ê î ô û ẃ ẁ ŵ Ẃ Ŵ
Â Ê Î Ô Û ý ỳ ŷ Ý Ŷ
tagiau html defnyddiol:
<b>print du</b>
<i>print italig</i>
<a href="http://gwefan">dolen we</a>
<a title="neges gudd">testun rollover</a>
This comment has been removed by the author.
ReplyDeleteAha! Cwestiwn da. Dyma geisio esboniad.
ReplyDeleteRhowch wybod a yw hyn yn gwneud synnwyr.
[Mae 'hover-text' yn yr esboniad, hefyd].
Yn Gymraeg, mae'n rhaid cofio bob tro ein bod ni'n defnyddio berfenwau yn aml iawn, ac nid berfau ydy'r rhain. Mae gramadeg y berfenw yn bwysig iawn, felly, ac yn wir mae'n allwedd i lawer o ramadeg y Gymraeg. I bob pwrpas, enw yw berfenw, a gramadeg y berfenw yw gramadeg yr enw.
Ystyriwn y brawddegau hyn:
1. cath Gareth - Gareth's cat
2. mam Gareth - Gareth's mum
3. canu Gareth - Gareth's singing
Mae'n amlwg fod y berfenw yn gweithio'n gymwys fel enw, ac - wrth gwrs - mae perthynas genidol yn ffurfio rhwng dau enw sydd wrth ochr ei gilydd mewn brawddeg Gymraeg ("XY" = "X of Y").
Felly, pan fydd gyda ni frawddegau fel:
4a. rydw i'n hoffi coffi; neu
5a. rydw i'n gwneud pethau
perthynas genidol sydd rhwng y berfenw a'r gwrthrych:
4b. I'm in [a state of] the liking of coffee
5b. I'm in [a state of] the doing of things
Nawr, 'te, mae'n rheol yn y Gymraeg fod rhaid i'r gwrthrych i'r berfenw fod yn y frawddeg wrth ochr y berfenw. Os ffurfiwn ni gymalau perthynol drwy flaenu'r goddrychau yn y brawddegau hyn, fe welwch beth ydw i'n ei olygu:
4c. coffi rydw i'n ei hoffi
5c. pethau rydw i'n eu gwneud
Mae gramadeg y Gymraeg yn gofyn inni roi'r rhagenw blaen yn lle'r gwrthrych sydd wedi symud o ochr y berfenw i flaen y frawddeg. Mae angen rhyw fath o wrthrych ar y berfenw o hyd!
Yn aml, ar lafar, bydd y rhagenw blaen yn cael ei golli, ond bydd unrhyw dreiglad yn aros:
6a. beth wyt ti'n ei feddwl? =
6b. beth wyt ti'n 'feddwl?
Ond hefyd, mae'n wir, weithiau bydd pobl jyst yn colli'r rhagenw:
6c. beth wyt ti'n meddwl?
Dyma beth sy'n digwydd yn y frawddeg "Beth wyt ti'n trio ei ddweud?" Mae'r "ei" yn dangos taw gweithred ferfol anghyflawn sy'n cael ei gyfleu gan y "dweud" (hynny yw, dy fod di'n ceisio dweud rhywbeth. Ystyriwn y ddwy frawddeg hyn:
7. Beth - wyt ti'n trio canu? - 'What - are you trying to sing?' (i.e. nothing in particular, just the action of singing)
8. Beth wyt ti'n trio'i ganu? - 'What are you trying to sing?' (i.e. 'what is the object?')
Os ydyn ni'n colli'r "ei" o'r frawddeg "Beth wyt ti'n trio ei ddweud", mae'r ystyr yn mynd yn agos i ystyr (7) - hynny yw 'What - are you trying to tell?' - a dydy hynny ddim yn gwneud synnwyr!
Eto, fel y dywedais - brawddeg (6c)- nid bob tro y bydd pobl yn dilyn y rheol yma.